Vie. Mar 29th, 2024

NAZARENO-PROCESIÓN DAS MORTALLAS

A POBRA DO CARAMIÑAL

3° DOMINGO DE SETEMBRO

Que rápido transcurre o tempo vivido… Xa se cumpriron 22 anos da declaración da Festa do Nazareno – Procesión das Mortallas como FESTA DE INTERESE TURÍSTICO DE GALICIA. Recoñecemento de país para unha tradición tan nosa como é esa manifestación pública de latría, de humanas esperanzas dos que piden e agardan o seu milagre doméstico por crer, e de exvotos dos que agradecen grazas recibidas a prol da saúde, do ánimo, do espirito.

Multitudinario desfilar ritual de persoas con devoción particular, ofrecidas por peticións de ben ou para cumprir a promesa feita a un Deus que concede rexurdir vidas porque “inda non é tempo de morrer”… Procesión extraordinaria e singular, de paso lento e rostros graves, desas de autenticas meditacións interiores, solemne de carácter como corresponde a un ritual vivo. Que suma e segue historias humanas.

Mortallas moradas, cadaleitos portados por familiares e amizades da persoa ofrecida que camiña solitaria tras de cada un deles, fachons e velas acesas pola fe popular que mantén viva a procesión de Xesús O Nazareno por séculos.

Nun mundo progresivamente secularizado, co cambio de mentalidad e con novas ópticas da sociedade contemporánea, quen descoñeza o significado deste ritual de excepcional valor antropológico (de onde vimos, onde estamos, cara onde iremos) pensará nun culto fúnebre. Nada mais oposto á morte desta teoría a prol da vida. Ofrecidos. Mortallas. Cadaleitos. Ex votos de cera. Obras pías. Son TRIUNFOS DA VIDA E DO ÁNIMO SOBRE A MORTE.

De xove, en 1982, comecei o empeño por reunir e rescatar e estudar canta testemuña esta latría nazarena e a súa procesión ritual fose posible. En 2022 o arquivo documental, fotográfico, materiais relixiosos de variable tipoloxía como programas de festas, libros, revistas, audiovisuais contradín o dito popular de que o saber non ocupa lugar.

Anos atrás, parte do reunido e investigado privadamente, permitiría a memoria que avala a declaración do NAZARENO como FESTA DE INTERESE TURÍSTICO DE GALICIA.

Por Antonio Gonzalez Millan

Exposición de portadas del libro del Nazareno desde el año 2011 al 2022.Exposición de portadas del libro del Nazareno desde el año 2000 al 2010.DIVINO NAZARENO.- PROCESIÓN DE LAS MORTAJAS.
Nazareno 2022NAZARENO 2021NAZARENO 2020

#caramiñal#desdepobra#aguiar#imÁgenes#lugares#arenales#xigantes#cabezudos#semana santa #nazareno#PobraDoCaramiñal #desdepobra #DesdePobra #gallicia #españa #buentiempo #hombre #mujer #fashion #viaje #vacaciines #vacaciones #altacilidad #calidad #clasico #clasica #diseñoclasico#TurismoAPobradoCaramiñal #ocio #lecer #experienciademarisqueo #ríodasPedras #rutasenbarco #Galicia

Por admin

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies