Archivo de la categoría: POBRA DO CARAMIÑAL

Cía. Sincronacidas presenta “Ohlimpiadas”

Xoves, 1 de agosto ás 20.30 h no Cantón da Leña (Se vai mal tempo, no teatro Elma.)

Proposta fresca e divertida na cal dúas limpadoras ven como a súa rutina é retransmitida coma se dunha competición olímpica se tratase. O día a día narrado coma se estivesen no Tour de Francia ou nos mundiais de natación sincronizada para construír un mundo absurdo e disparatado. 

O espectáculo conta, ademais, coa voz en off de Julia Luna, comentarista habitual dos mundiais de natación e dos Xogos Olímpicos da TVE. 

Estas situacións cobran vida grazas á combinación de técnicas como a danza, os portes acrobáticos e, por suposto, todo regado cunha boa dose de humor que dá soporte a este mundo de disparate que construímos para o deleite de tódolos públicos.

Espectáculo gañador do Premio Fetén ó Mellor Espectáculo de Rúa 2019

Organiza a Concellaría da Cultura da Pobra do Caramiñal en colaboración co programa Cultura no Camiño, da Agadic (Xunta).

GARABATO DE XOGOS presenta “O CIRCO DE PÍTER”

GARABATO DE XOGOS presenta “O CIRCO DE PÍTER”

Xoves, 18 de xullo, ás 19.30 h no Cantón da Leña

Obradoiros: de equilibrios de chan e de equilibrios coas mans, de realización de bólas de malabares e de realización de lazos (“pajaritas”) de pallaso

Xogos, música e actuación do pallaso Píter

Organiza a Concellaría da Cultura da Pobra do Caramiñal  en colaboración coa Rede Cultural da Deputación da Coruña.

TEATRO CALAVERA presenta “FESTA PIRATA NA ILLA CALAVERA”

amigas bucaneiras atopan unha mensaxe de auxilio nunha botella:o pirata Calavera naufragou nunha illa descoñecida, precisa que o rescaten e ofrece como recompensa o seu maior tesouro.

Mary e Anne, ávidas de aventura e riqueza, forman, coa participación das nenas e nenos, a súa tripulación. Xuntas vivirán unha grande aventura na illa para rescatar este pirata, onde, ademais de atopar moitas sorpresas, por Neptuno que levarán a cabo unha gran festa! Aaaar!

Trátase do que en Teatro Calavera denominamos xogacontos: un conto participativo onde procuramos que as nenas e nenos participen e se expresen a través de xogos musicais e bailes, seguindo o fío condutor dunha historia.

Organiza a Concellaría da Cultura da Pobra do Caramiñal  en colaboración coa Rede Cultural da Deputación da Coruña.