Archivo de la categoría: POBRA DO CARAMIÑAL

TEATRO CALAVERA

TEATRO CALAVERA  presenta CHOCOLATE 
Xoves 22 de agosto ás 20.30 h no Cantón da Leña
 Trátase dunha actividade que mestura a narración oral coa posta en escena teatral. Tomando como protagonistas as personaxes de Antón e Tomasa, un cociñeiro e unha pasteleira aos que lles encanta cociñar un montón de aventuras. Esta actividade conta cunha segunda parte, na que se leva a cabo un obradoiro de cociña » brochetas de froitas con chocolate fondue» Na que se procura a participación das nenas e nenos.  
Organiza a concellaría de cultura da Pobra do Caramiñal en colaboración coa Rede Cultural da Deputación da Coruña.

MAGÍN BLANCO E A BANDA DAS APERTAS

MAGÍN BLANCO E A BANDA DAS APERTAS

XOVES 8 DE AGOSTO ÁS 20.30 H NO CANTÓN DA LEÑA. (SE VAI MAL TEMPO NO TEATRO ELMA). Entrada de balde

Organiza a Concellaría de Cultura da Pobra do Caramiñal en colaboración coa Rede Cultural da Deputación da Coruña

Nesta ocasión o creador de A nena o grilo, Magín Blanco (voz, guitarra), estará acompañado polos músicos María Faltri (voz, percusión), Jorge Juncal (piano, acordeón) e Jerry Noia (guitarras, baixo) ao que se acaba de sumar Jesús Lorenzo (batería).

 Xuntos irán repasando as aventuras de A nena e o grilo e descubrindo os seus segredos, a través de cancións: das súas cancións…

As aventuras inciden directamente en temáticas esbozadas nas entregas de Magín Blanco ao público infantil, tanto na publicada no 2010 “A nena e o grilo no país das apertas” a do 2012“A nena e o grilo nun barquiño” como do recente estreado “Gatuxo”, pasando tamén por outras publicacións como “María Fumaça” ou “Rosalía pequeniña”, así como temas de nova creación.

As músicas irán viaxando polas singulares aventuras nas que se achegarán ao mundo dende a perspectiva mesma dos nenos, sinxela e xenerosa.

Ten un formato de concerto musical, sendo as letras das cancións e as súas introducións as que marcarán o ritmo desta proposta. 

Encontro de habaneras

Sábado 3 de agosto ás 20.30 h. no Teatro Elma, XXIV Encontro de Habaneras Concello da Pobra do Caramiñal.Participan: Coral Polifónica de AgoladaCoral Polifónica de Santa María de CambreCoral Abrente da Pobra do Caramiñal
Entrada de balde.
Organiza: Asociación de Amas de Casa e colabora a Concellaría de Cultura da Pobra do Caramiñal

A POBRA BAILA

Domingo 4 de agosto ás 20.30 h no Cantón da LeñaActuación de máis de 50 bailarins, alumnos e alumnas da Escola de Baile El TomaSon  Exhibición de diferentes modalidades de bailes; tango, bachata, cha-cha-chá, salsa, merengue,hip hop, zouk… .E  actuación especial da cantante cubana afincada en Miami, Yeni Cruz «La Negra» que interpretará un par de temas de  música fusionada. 
Organiza: Escola de Baile El TomaSon e colabora a Concellaría de Cultura da Pobra do Caramiñal