UNHA DELEGACIÓN MEXICANA DE VISITA POLAS TERRAS BARBANZANAS

Acompañados por representantes da Mancomunidade Arousa Norte e do concello da Pobra do Caramiñal, chegou o domingo 22 de xaneiro un grupo de responsables turísticos e representantes do goberno do país dos aztecas ás terras barbanzanas, coa intención de coñecer os avances turísticos dos últimos anos imprantados na Comunidade Galega. A delegación viña encabezada por Fernando Olivera, Subsecretario de Turismo do Goberno Federal de México, e Mauricio Salmón, Secretario de Turismo do estado de Querétaro.
Durante a súa visita por terras galegas, que comezou o pasado sábado día 21 e remata o mércores 25, teñen previsto visitar lugares tan representativos da cultura e o turismo galegos como son Santiago de Compostela ou A Coruña, pero ademais non deixaron escapar a posibilidade de coñecer os encantos das terras da Arousa Norte e disfrutar do programa que lles prepararou a animadora turística da Mancomunidade A.N. Irene Maneiro. Comezaron a visita por terras pobrenses  ás once da mañá do domingo cunha recepción no alto do miradoiro da Curota, para a continuación dirixirse ás instalacións do Museo Valle-Inclán, onde foron guiados polas instalacións pola técnica Begoña Olveira e onde tamén estivo presente para recibilos, a técnica de turismo local, Dolores Devesa.

© www.desdepobra.com - ponte en contacto